പേടിയാണിന്നെനിക്ക്,
പേമാരി പെയ്യുന്ന കര്‍ക്കിടക-
രാവിനെ, കൂരിരുള്‍
മുറ്റിയ കാര്‍വര്‍ണ്ണ വിണ്ണിനെ..
മുത്തശ്ശി ചൊല്ലുന്ന രാക്കഥചെപ്പിനെ.,
പിന്നെ, മിനി സ്ക്രീനിലെ
വേതാള ഭൂതത്തെ..
കല്ലുകളെ.., രാവിന്‍റെ ഭീതിയില്‍
രാഗമോതുന്ന കീടങ്ങളെ..
പിന്നെ, പുലര്‍ച്ചക്കലരുന്ന പീറ-
ക്കോഴികളെ..
പേടിയാണിന്നെനിക്ക്,
പേരാലില്‍ തൂങ്ങുന്ന കറുമ്പന്‍
വവ്വാലുകളെ..
ഘടികാരക്കൂട്ടിലെ പാതിരാ-
സൂചിയെ.. പിന്നെ, അന്തിച്ചെവിയിലലക്കുന്ന
മരണവാര്‍ത്തകളെ..
പേടിയാണിന്നെനിക്ക്,
പേരറിയാത്ത നിന്‍ സ്നേഹ
വായ്പുകളെ..
പ്രേതങ്ങലലയുന്ന ചുടല -
ക്കാവുകളെ, പിന്നെയെന്‍
ജീവനെ, മരിക്കാത്ത
യെന്നാത്മാവിനെ..
No comments:
Post a Comment
ഹല്ല..ഒന്നും മിണ്ടാതെ പോവാണോ...?