വേവുന്ന അരിക്ക്
കത്തുന്ന വിറകിനോളം
വേദനിക്കണമെന്നില്ല..!
കലത്തിലെ
തിളയ്ക്കുന്ന കഞ്ഞിവെള്ളത്തിന്
അടുപ്പിലെ
തിളങ്ങുന്ന കനലിനോളവും..!!
അല്ലെങ്കിലും,
മൂന്ന് മൊട്ടക്കല്ലുകള്‍ക്കിടയില്‍
അടുപ്പിനെ തിരുകിവെച്ചത്
അതിനുവേണ്ടിയല്ലെ..,
വെറുതെയങ്ങനെ കത്തിത്തീരാന്‍..?
അല്ല, ഒരിക്കലും തീരാതെ
കത്തിക്കൊണ്ടിരിക്കാന്‍..!?
നമ്മള്‍ അടുപ്പാവുമ്പോള്‍ അതില്‍നിന്ന് പലതും വെന്ത് പാകമാവുന്നു.
ReplyDeleteഅതുമാത്രമല്ലേ അടുപ്പിന്റെ സന്തോഷം!പുകഞ്ഞാണുകത്തുന്നതെന്ന്
ചെമ്പറിയണ്ട.കണ്ണീരുപ്പ് പാചകത്തിന്റെ രസം കെടുത്തും-രുചിയും.