മെഴുകുതിരി

കരയരുതെന്നു പറഞ്ഞപ്പോള്‍

കരയാതിരുന്നാല്‍

ജീവിതം പാഴാകുമെന്നു നീ..

ചിരിക്കണമെന്നു പറഞ്ഞപ്പോള്‍

ചിരിച്ചുകൊണ്ടിരുന്നാല്‍
ജീവിതം എരിഞ്ഞുതീരുമെന്ന് നീ..

എന്നിട്ടും,
എനിക്ക് ജീവിക്കാനായി
നീ ജീവിച്ചു..
എനിക്ക് കരയാനായി നീ ചിരിക്കുകയും
എനിക്ക് ചിരിക്കാനായി നീ കരയുകയും
ചെയ്തു..

ഒടുവിലൊരിക്കല്‍,
കരച്ചിലടക്കി ചിരിയണച്ച്
നീ ജീവിതമാവസാനിപ്പിച്ചു.
ജീവിതത്തിന്‍റെ ഇരുണ്ട ഇടനാഴിയില്‍
കറുത്തുറഞ്ഞ നിന്‍റെ തിരുശേഷിപ്പിനു മുമ്പില്‍
എന്നെ മാത്രം തനിച്ചാക്കി..