പച്ചയുടുത്ത തെങ്ങോലകളില്
കണിക തിരയുന്നുണ്ട്,
വെയില്..
പിണങ്ങിയൊഴുകുന്ന പുഴവക്കത്ത്
മാനം കാണാന് വരാറുള്ള
പരല് മീനുകളെ തിരയുന്നുണ്ട്,
പൊന്മ.
കടപ്പുറത്തെ മണല് പരപ്പില്
നനവ് തിരയുന്നുണ്ട്,
കാറ്റ്..
ഇടവഴിയിലെ മാളങ്ങളില്
മഴ നനക്കാത്ത മണ്ണിന്റെ
പുതുമണം തിരയുന്നുണ്ട്,
അപ്പൂപ്പന് താടി.
ഉമ്മറത്തെ ഇറവെള്ളത്തില്
ഇന്നലെ മരിച്ചയെന് സ്നേഹത്തിന്റെ
ഫോസിലുകള് തിരയുന്നുണ്ട്,
ഞാന്..
